آج کچھ درد مرے دل ميں سوا هوتاهے

همارے ممدوح محترم ڈاکٹر صلاح الدين صاحب ايک نهايت هي قابلِ محبت هستى هيں ، ان کي ذات بابرکات کي صفات کے حوالے سے لکھنا شروع کيا جائے  تو بلامبالغه ايک کتاب تو لکھي هي جاسکتي هے،وه دوستوں کے دوست هيں ، انهي کے ممدوح مبينه فلسفي شاعر ڈاکٹر محمد اقبال نے مؤمن کي تعريف کرتے هوئے جب يه کها تھا که هو حلقهٔ ياراں تو بريشم کي طرح نرم تو يه شايد جناب صلاح الدين صاحب جيسي هي کسي شخصيت  کے بارے ميں کها تھا ، ايک فرض شناس معالج هيں ، بهت سارے معالجين سےمريض بات کرتے هوئے بھي گھبراتے هيں ليکن جناب ڈاکٹر صلاح الدين صاحب کي ذات کي شفقت ان کے لهجے کي مٹھاس ، طبعي همدردي  اور شخصيت کي جاذبيت کا نتيجه هے که هر مريض ان سے اپنے مسائل  و امراض کے حوالے سے کھل کر بات کرسکتا هے ،جيسا که ان سطور کے آغاز ميں کها گيا تھا که جناب ڈاکٹر صاحب کي شخصيت ايسي گوناگوني لئے هوئے هے که ان پر کتاب لکھي جاسکتي هے ، اس لئے مجھے انديشه هے که يه چند سطور مذکوره موضوع پر کسي ضخيم کتاب هي ميں نه ڈھل جائے ، ان کا ذکر خىر ان کي ايک تحرير کي وجه سے ضروري هو گيا تھا (ويسے رهتےتو وه همارے دل ميں هيں ) ،منگل 11ستمبر 2012ء کے روزنامه آج پشاور ميں ان کے ايک کالم نے ايسا ظلم و جبر ڈھايا که قلم کو کان پر رکھ کر گھر سے نکلنے کے سوا کوئي راسته باقي نهيں بچا ، انهوں نے اپنے کالم ميں جناح صاحب کي تصوير کے بارے ميں جن احترامات فراواں کي سرعت ميں اضافه کيا ان سے هميں کوئي اختلاف نهيں کيونکه يه هر شخص کا ذاتي معامله هے ، کسي سے بھي تعلق خاطر کي شدت کا انحصار تصورات و حقائق کي بنياد پر پروان چڑھتا هے ، ان کے علم ميں شايد وه حقائق و تصورات بهر حال موجود هيں جو همارے علم ميں نهيں ، يا جن کے معروضي شواهد کھلي مارکيٹ ميں دستياب نهيں ، ليکن جهاں تک باچاخان اور ان کے ساتھيوں کے بارے ميں اس کالم کے مندرجات کا  تعلق هے وه همارے لئے ان دو بنيادي وجوه کي اساس پر محل نظر هيں يعني تصورات و حقائق .اس بات کي تو وجه نامعلوم هي هے که جناح صاحب کي رومانويت ميں اس ملک کے اهل علم کيوں مبتلا هيں ؟آج تک کسي نے اس رومانويت سے بري النظر هو کر حقائق کي کسوٹي پر جناح صاحب کي شخصيت اور ان کي سياست کا تجزيه کرنے کي ضرورت محسوس نهيں کي ، ليکن يه کوئي بڑا الميه نهيں ، اگر کسي کو اس کے حق سے زياده ملے تو اس پر ساري عمر گريه و زاري سے کچھ حاصل نهيں هوگا ليکن اگر کسي کو اس کے حق سے کم ملے يا اس کا حق اٹھا کر کسي اور کي گود ميں ڈال ديا جائے تو لازمي طور پر دکھ هوتا هے اور ايسا سلوک اگر کسي معاشرے کے اهليان علم بالعقيده شروع کرديں تو پھر تو اس دکھ اور الميے کي شدت انتهاؤں سےدوچار هوجاتي هے – 

آج اگر پاکستان کي وزارت شماريات کے اعداد وشمار کے مطابق ملک کي دوسري بڑي زبان پشتو کے بولنے والوں کي اکثريت سماجي يا سياسي طور پر اس ملک سے خود کو کٹا هوا محسوس کرتے هيں تو اس کي وجه بھي يهي هے – جناب ڈاکٹر صاحب ممدوح کے کالم کے مختلف نکات قابل بحث هيں کيونکه ان ميں سے اکثريت کي حيثيت يا تو حکمي تنقيد کي هے اور يا وه فتاويٰ کا درجه رکھتے هيں ، ان کے مضمون کا نچوڑ يه هے که عوامي نيشنل پارٹي کے وزراء کے دفاتر ميں جناح صاحب کي تصاوير کي تضحيک کا عمل جاري هے ، اس بات کے ثبوت کے طور پر وه پهلے يه کهتے هيں که عوامي نيشنل پارٹي نے تاريخي طور پر پاکستان کو دل سے تسليم نهيں کيا ، پھر وه يه بھي کهتے هيں که اے اين پي کے جن وزرا ء نے يه تصاوير لگائي هيں انهوں نے بھي بادل ناخواسته وزارتي حيثيت کي مجبوري کے تحت ايسا کيا هے – پهلي بات تو يه هے که عوامي نيشنل پارٹي کے قائدين  و کارکنوں کي دل کي بات جناب ڈاکٹر صاحب ان کے هم خيال حتيٰ که جناح صاحب  اور ان کا ٹائپ رائٹر (مسلم ليگ کے لئے جناح صاحب نے اسکندر مرزا کے بقول يهي لفظ استعمال کيا تھا)کبھي جان نهيں سکے ، اس ملک کے لئے هر طرح کي قربانياں دينے کے باوجود اب بھي همارے ڈاکٹر صاحب اے اين پي کو حب الوطني کا سرٹيفيکيٹ جاري کرنے کے حق ميں نهيں، يهاں مثالوں کى ضرورت نهيں ، که اس سےپڑھنے والے اکتا جائيں گے ، ليکن ايوب خان کي آمريت اور ون يونٹ کے ناسور کو اس کے خالق سميت جڑ سے اکھاڑ پھينکنے کي راه ميں جن رياستي شدائد سے اس جماعت کے اکابرين گزرے وه تاريخ کا حصه هيں ، محترمه فاطمه جناح کو صدارتي اميدوار نامزد کرنے کے باوجود نيپ ايک غدار سياسي جماعت بني اسي لئے تو سپريم کورٹ نے اسے کالعدم قرار ديا ، 1973ء کے آئين کو متفقه کهتے هوئے کسي کي زبان نهيں تھکتي ليکن کوئي اس بات کے کهنے کي ضرورت هي محسوس نهيں کرتا که اس وقت کے قائد حزب اختلاف خان عبدالولي خان مرحوم اگر نه مانتے تو آج اس ملک کي کيا حالت هوتي اور کيا اس آئين کا کوئي وجود بھي هوتا؟

خدائي خدمتگار وں ، نيپ اور اے اين پي نے پاکستان کو دل سے تسليم نهيں کيا مسلم ليگ اور نوائے وقت کي مشترکه تخليق کرده جملے کي صحت پر اشرافيه اور اس کي متاثره جميعت عوام پاکستان کو کيا اعتراض هوسکتا هے ليکن اس حقيقت کو کس تکئے تلے چھپا ديا جائے که جب12 مئي  2007ء ميں افتخار چودھري کراچي آرها تھا تو عدليه کي آزادي کے مغالطے ميں اے اين پي کے 42کارکن زندگي کو کراچي کي سڑکوں پر ايسے نچھاور کر گئے جيسے اے اين پي پاکستان کو دل سے نهيں دل وجان سے مانتي هے اور اس کے تحفظ لئے کسي بھي حد تک جانے کو تيار هے – کسي کے دل کي بات جاننا بهت بڑا هنر هے ، اس سے کس کو انکار هوسکتا هے – ليکن جناب ڈاکٹر صاحب نے ايک خاص خيال سے متاثر هو کر اس جملے کے استعمال کے وقت اس قرآني تعليم کو بھي ملحوظ خاطر نهيں رکھا که ان بعض ظن اثم – بادل ناخواسته تصاوير لگانے کي بات عجيب هے، پاکستان کے سرکاري ايوانوں ميں باچاخان اور ان کے ديگر ساتھيوں کي تصاوير صرف چار ساڑھے چار سال هي لگي رهي هيں ، اس سے قبل تو جناح صاحب کي نماياں تصاوير هر سرکاري عمارت کا جزو لاينفک رهي هيں ، اور حکومت بھي زياده تر پي ايم ايل (پاکستان مسلم ليگ ، پاکستان مارشل لاء ) کي رهي هے جناح صاحب کي يه تصوير تو پي ايم ايل کے ان دونوں دھڑوں نے رومانويت سے اٹے هوئے جذبات کي رو ميں لگا رکھي تھيں ، اور کيا هي خيال انهوں نے اس تصوير کا رکھا، کيا مثال دي جائے ، کيا موجوده حالات سے بڑھ کر کوئي مثال کوئي دليل سي جاسکتي هے؟کيا جناح صاحب کي تصوير کو دل وجان سے لگانے والوں نے اس تصوير کے نيچے بيٹھ کر اس ملک کي تقدير بدل دي تھي ؟جو باچاخان اور ان کے ساتھيوں کي تصاوير لگا کر چار ساڑھے چار برسوں ميں تيا پانچا کردي؟جناب ڈاکٹر صاحب کهتے هيں که جناح صاحب کي جو تصاوير صوبائي وزرا ء کے دفاتر ميں لگائي گئي هيں ان ميں اس بات کا خاص انتظام کيا گيا هے که ايسي تصاوير لگائي جائيں که جن ميں جناح صاحب نے قومي لباس کي بجائے انگريزي لباس پهنا هو– اب اس پر کيا کها جائے ؟پهلا سوال تو يه هے که پاکستان کا قومي لباس کيا هے ؟اگر شلوار قميص واسکٹ کي بات کي جائےتو يه تو پختونوں کا لباس هے – اچکن تو لکھنو يوپي هند سے آئي هے ، چولي دامن کے انگرکھا کو پاکستان ميں کتنے لوگ پهنتے هيں شايد ايک رجسٹر ميں سب کا اندراج هوسکتا هے ، هاں يه سوال قابل غور هے که( جناح صاحب جن کي پوري زندگي يورپ ميں گزري اور جن کا سرکاري سوانح نگار سٹينلے والپرٹ بھي اس امر کي گواهي ديتا هے که ان کا طرز معاشرت اٹھارويں صدي کے ٹھيٹھ انگريزوں جيسا تھا) کس سن ميں شلوار قميص پهنا کرتے تھے ؟ايک لمحے کو يه بات  مان ليں که اے اين پي کے وزراء کے دفاتر ميں جناح صاحب کے انگريزي ملبوس ميں تصاوير خاص سازش کے تحت لگائي گئي هيں تو يه سوال پھر منه چڑانے کو سامنے آجاتا هے که ملک کے ابتدائي برسوں سے سن دو هزار کے پانچويں چھٹے برس تک پانچ، دس ، پچاس ، سو ، پانچ سو اور ايک هزار روپے کے کرنسي نوٹ پر جناح صاحب کي انگريزي ملبوس ميں تصوير اے اين پي کے کس قائد کي کاوشوں کا نتيجه رهي ؟اور يه جو محمد خان جونيجو مرحوم کے دور ميں تعمير هونے والي پارليمان کي عمارت ميں سپيکر قومي اسمبلي اور چيئرمين سينيٹ کي نشست کے عين پيچھے جو جناح صاحب تھري پيس سوٹ ميں ايک مها جهازي سائز کي تصوير ميں مسکرا رهے هيں يه وصيت اے اين پي کے کس ليڈر کي پوري کي گئي هے ، کيا رياستي اداروں کو اس خاص حوالے سے وه بصيرت حاصل نهيں جس کے همارے ڈاکٹر صاحب تن تنها مالک هيں ؟ايک اور بات جناب ڈاکٹر صاحب نے يه بھي کهي هے که جناح صاحب کي تصوير کے ساتھ ايسا سلوک کے ارتکاب کا مقصد "ملکي اساس کي بنيادوں"پر ضرب لگانا هے ، اس کي انشاء ميں روا رکھي گئي غلطي دراصل ايک واقعاتي غلطي بھي هے ، جناح صاحب اس ملک کي بنياد کيسے هيں؟کيا تعزيرات پاکستان يا آئين سے ايسي کوئي دليل پيش کي جاسکتي هے ؟ان کي تعظيم کا مسئله ايک طرف ليکن ان کي تصوير کو مؤمن به کا درجه دينا  اور ايسي تصاوير کو اساس و بنياد کهنا کهاں سے ثابت هے ؟

پھر جناب ڈاکٹر صاحب يه بھي فرماتے هيں که قيام پاکستان کے بعد مذهبي جماعتوں نے اپنے اقدامات سے کبھي جناح صاحب کي اهميت گھٹانے کي کوشش نهيں کي ، اس سے اس دعوے کي صداقت تو ثابت نهيں هوتي ليکن مذهبي جماعتوں کي طرف جناب ڈاکٹر صاحب کے نرم گوشے کي وضاحت هوتي هے ، خدائي خدمت گاروں نے جناح صاحب کي سياسي مخالفت کي تھي جو ان کا حق تھا اور هے کوئي يه بات کهه نهيں سکتا که جناب جناح صاحب پر خدائي خدمت گاروں کے اکابرين نے کفر کا فتويٰ لگايا هو اور ان کے مذهب و مسلک کے حوالے سے کوئي بات کي هو، تو مذهبي جماعتوں يا ايم کيو ايم سے رجوع کيا جائے يه ايک الگ بحث هے اور مسلم ليگ اور جناح صاحب کے بارے ميں مذهبي جماعتوں کے اقدامات ما بعد تخليق پاکستان بھي اس تعداد ميں هيں که ايسے کئي صفحات بھر سکتے هيں ، اور جهاں تک پاکستان کا مطلب کيا لااله الاالله والے جلوسوں کي قيادت کي بات هے تو ان ميں جناب جوگندر ناتھ منڈل بھي موجود رهے هيں اور اسے کسي برهان قاطع کے طور پر قبول نهيں کيا جاسکتا ، ليکن اس حوالے سے ڈاکٹر صاحب کي بات قابل اتفاق هے که جناح صاحب کا مذهب ان کا اور ان کے الله کا معامله هے ،تاهم انهيں ايک ايسے جلوس کا حواله دينا چاهئے تھا جس ميں يه بينر يا نعرے لگے اور جناح صاحب اس کي قيادت کررهے تھے ( جلوس هي کا حواله درکار هے جلسے کا نهيں) بهر حال اس بات کا حواله جناب ڈاکٹر صاحب کو دينا چاهئے که پاکستان کا جھنڈا لهرانے پر حکمران جماعت کے کون کون سے افراد جزبز هوئے تھے اور صوبائي وزرا ء کي سر زنش کس نے کب اور کهاں کي تھي ؟بهر حال اس بات کو کسي بھي طور تسليم نهيں کيا جاسکتا که جناح صاحب کي بودوباش مغربي نهيں تھي ، اور يا وه مغربي تهذيب وتمدن کے دلداده نهيں تھے – اس کے مقابل اگر خدائي خدمت گار تحريک کے قائد باچاخان اور ان کے ساتھيوں کي زندگي کا جائزه لياجائے تو يه حقيقت مترشح هوگي کي مٹي کي محبت ميں ان آشفته سروں نے ايسے ايسے قرض چکا ئے تھے که حيرت هوتي هے – باچاخان کي قربانياں تو نهايت هي مشهور هيں ، ان کا ذکر ان سطور ميں شروع کيا جائے تو اصل موضوع سے بات بهت دور نکل جائے گي ، اتنا کهنا کافي هے که جن انگريزوں سے مبينه طور پر جناح صاحب نے مسلمانوں کو آزادي دلائي تھي اور جن کے خلاف ان کا کوئي بيان ريکارڈ پر موجو د نهيں انهي انگريزوں کےکالے دور ميں باچاخان نے برسها برس جيلوں ميں گزارے ، يه تو طے هے که کسي اخلاقي جرم ميں انهيں يا ان کے ساتھيوں کو جيل کي صعوبت نهيں جھيلنا پڑي تھي ، جائيداد کا مسئله يا لين دين کا کوئي تنازعه بھي نهيں تھا ، پھر وه اور ان کے ساتھيوں کي زندگي کے بهترين برس کيوں جيلوں کي نذر هوئے ؟شايد اگر هر قسم کے تعصب اور بلا جواز رومانويت سے پاک هوکر تاريخ کے ايک طالب علم کي حىثيت سے اس ايک سوال کا جواب دے ديا جائے تو جناب ڈاکٹر صاحب ممدوح باچاخان کي تصوير کا موازنه کبھي بھي جناح صاحب سے نهيں کريں گے ، ان کو پھر بھي اگر جناح صاحب کے تشخص مشرق و مذهب کا اتنا هي زياده ايقان هے تو پھر تيسري اور چوتھي نسل ميں جناح صاحب کے آباواجداد کے نام هي بتا ديں اور قرآن وسنت کي روشني ميں ان ناموں کي تشريح بھي فرماديں –

مسیح الافاغنہ

پچھلی صدی کے اوائل میں ٹیگور اور کپلنگ دونوں ہی نے اپنی تحریروں میں پختون کرداروں کا ذکر کرتے ہوئے ان کرداروں کو جذباتی طور پر آسانی سے مشتعل ہونے والے پُر جوش انسانوں کے روپ میں پیش کیا تھا۔(1)ہماری پختون قوم کی حساس اور پُر جوش فطرت کی منفیت کے متعدد حوالے کئی ایک دیگر کتابوں میں بھی ملتے ہیں۔مثال کے طور پرباچا خان کی عدم تشدد پر مبنی جدوجہد کے بارے میں مشہور کتاب Thrown to the Wolves کے مصنف پیارے لال نے اپنی اس تصنیف میں فیلڈنگ کنگ ہال کی کتاب Thirty Days of Indiaسے درج ذیل اقتباس نقل کیا ہے،

"One Pathan was sitting on the ground listening intently to a radio broadcasting programme while his neighbour continued to chatter. The first man told the talker to shut up, but the later observed that he had as much right to speak as 'that loud mouth over there'. The radio fan promptly switched off the human 'loud speaker' by sticking a knife into his ribs"(2)

یعنی ایک پٹھان بڑے غور سے ریڈیو سن رہا تھا جبکہ اس کا پڑوسی مسلسل بول رہا تھا۔ اس نے اپنے پڑوسی سے خاموش ہونے کو کہا لیکن پڑوسی بولا کہ بات کرنے کا حق اسے بھی ریڈیو جتنا ہی ہے۔ اس پر ریڈیو سننے والے نے اسے پسلیوں میں چاقو گھونپ کر چپ کرا دیا۔

تاہم پختونوں کی فطرت اور عادات کی دل چسپ ترین تفصیلات ہمیں ان خفیہ رپورٹوں اور سرکاری خط و کتابت میں ملتی ہیں جو برطانیہ کی انڈیا آفس لائبریری میں محفوظ ہیں۔ان کی چند جھلکیاں ہم خان عبدالولی خان کی کتاب   “باچا خان اور خدائی خدمتگاری” یا اسی کتاب کے انگریزی ترجمے The Struggle and the Aftermath میں دیکھ چکے ہیں۔اس کتاب میں نقل کی گئی ایک لائن تو خصوصاً کافی دل چسپ ہے اور موجودہ حالات سے مربوط بھی!یہ لائن اس خط سے لی گئی ہے جو دس نومبر سن انیس سو تیس کو وائسرائے لارڈ ارون نے اس وقت کے وزیرِ ہند کو لکھا تھا،

"This corner of the earth is as troublesome as it is tiny and occupies a share of my attention and no doubt yours also out of all proportions to its size" (3)

 ا س خط میں وائسرائے صاحب وزیرِ ہند کو بتا رہے تھے کہ کرہ ارض کا یہ حصہ اپنے رقبے کے اختصار کے باوجود ان کے لئے نہایت مصیبت خیز ہے اور اس مختصر رقبے کے مقابل ان کی توجہ اس نے کچھ زیادہ ہی حاصل کر رکھی ہے ۔جب یہ خط لکھا گیا تھا تو اس وقت باچا خان کو عدم تشدد کا فلسفہ اختیار کئے ہوئے دس برس جبکہ اپنی قوم کی اصلاح کے لئے انہوں نے جو تحریک آغاز کی تھی اس کو بیس سال بیت چکے تھے۔آج سے تقریباً اٹھارہ برس بعد اس خط کو تحریر ہوئے ایک صدی مکمل ہو جائے گی لیکن کرہ ارض کا یہ حصہ اپنے رقبے کے تمام تر اختصار کے باوجود آج بھی بیرونی دنیا کے لئے مصیبت خیز ہے اورعالمی توجہ کا بھی ایک بڑا حصہ بدستور اسی پہ مرکوز ہے۔فرق صرف اتنا ہے کہ پچھلی صدی کے ابتدائی برسوں میں ہمارے نو آبادیاتی حکمرانوں کے لئے وجہ ءپریشانی عدم تشدد کا وہ فلسفہ تھا جس کے باچا خان نہ صر ف حامی تھے اور اپنے پیروکاروں کو بھی اس کا پرچار کرتے تھے بلکہ عملاً بھی نہایت پُرجوش طریقے سے انہوں نے اسے اختیار کر رکھا تھا، جبکہ آج ہم ایسے حالات میں جی رہے ہیں کہ جہاں تشدد ہم پر مسلط کر دیا گیا ہے۔

عدم تشدد، امن پسندی، اہنسا اور حالیہ ترین عدم مقاتلے کے نظریات کی حمایت اور ان کا دفاع کرنے والے تو ہمیشہ زیادہ ہوتے ہیں لیکن انہی نظریات پر سختی سے عمل کرنے والوں کی تعداد ہمیشہ کم رہی ہے۔پختون قوم کی خوش قسمتی یہ ہے کہ عدم تشدد کے فلسفے کے پرجوش ترین پرچارک اور اسی پرسختی سے کاربند رہنے والے عظیم انسان نے انہی کے بیچ جنم لیا تھا۔باچا خان کا تعلق ایک متمول گھرانے سے تھا لیکن ان کا دل عوام اور محروم طبقات کے لئے احساس سے پُر تھا۔اسی لئے تو انہوں نے خود بھی ان ہی میں سے ایک ہونا چن لیا تھا۔انہوں نے کبھی بھی خود کو کسی سٹیج یا منبر تک محدود نہیں رکھا جہاں سے وہ صرف ان مقاصد کی زبانی خدمت ہی کر سکتے ہیں جن کے لئے اپنی قوم کو بیدار کرنا ان کا مشن تھا۔ہمیشہ انہوں نے اپنے لوگوں کے قریب جا کر عملاً انہیں اپنی بات کا ابلاغ کرانا چاہا۔اس ضمن میں ایک واقعہ جو خان عبد الولی خان نے اپنی محولہ بالا کتاب  میں بیان کیا ہے، خصوصاً قابلِ ذکر ہے۔ولی خان لکھتے ہیں کہ اپنے سیاسی کیرئیر کی ابتداءمیں انہیں ایک ہزار ساتھیوں سمیت کرک کا دورہ کرنے کی ذمہ داری سونپی گئی تھی۔موسم سخت گرم تھا اور انہیں یہ دورہ پیدل ہی کرنا تھا۔جو علاقے ان کے دورے کے لئے چنے گئے تھے وہ نہایت رتیلے تھے اور مہینہ بھی رمضان کا تھا۔یعنی انہیں بنا کچھ کھائے پئے صبح سے شام تک گرمی میں تپتی ریت پر چلتے ہوئے جانا تھا۔ولی خان نے لکھا ہے کہ سفر کے دوسرے روز ہی ان کے پیروں میں چھالے پڑ گئے تھے اور وہ چپل پہننے سے معذور تھے۔چنانچہ تپتی ریت پر انہیں ننگے پاﺅں چلنا پڑ رہا تھا۔ایک دن طویل اور تھکادینے والے سفر کے بعد وہ ایک گاﺅں پہنچے اور وہاں کی مسجد کے قریب رک گئے۔ مسجد میں ایک درخت کے نیچے چارپائی پڑی ہوئی تھی۔ ولی خان تھکن سے چور تھے چنانچہ وہ کراہتے ہوئے اس چارپائی پہ لیٹ گئے۔ان کے خدائی خدمتگار ساتھی نے جو ان کی یہ حالت دیکھی تو انہیں بتایا کہ انہیں یاد ہے کہ ایک بار ایسے ہی موسم میں اور ایسی ہی حالت میں باچا خان اسی گاوں کی اسی مسجد پہنچے تھے لیکن یہاں جیسے ہی وہ بیٹھے تو انہیں سامنے پہاڑ پر دھواں اٹھتا دکھائی دیا۔ باچا خان نے امامِ مسجد سے پوچھا کہ کیا پہاڑ پر کوئی گاﺅں ہے؟امام مسجد نے جواب دیا کہ نہیں صرف ایک ہی گھر ہے جہاں ایک آدمی اکیلا رہتا ہے۔ باچا خان فوراً اس شخص سے ملنے کو تیار ہو گئے۔ امام مسجد نے انہیں بہتیرایقین دلانے کی کوشش کی کہ وہ شخص جمعے کی نماز پڑھنے جب آئے گا تو اسے ان کا پیغام پہنچا دیا جائے گالیکن باچا خان کا اصرار تھا کہ وہ ذاتی طور پر اس آدمی سے ملیں گے۔(4) اپنے لوگوں تک اپنا پیغام ذاتی طور پر خود پہنچانے کے لئے ان میں اس قدر جذبہ پایا جاتا تھا۔

جلسے جلوسوں اور احتجاجی مظاہروں میں جہاں حکام کی جانب سے مظاہرین پر لاٹھی چارج کا حکم ہوتا تو وہ لاٹھیاں سہنے ہجوم میں وہ بھی موجود ہوتے۔جب کبھی بھی گرفتاریوں کی لہر اٹھی تو گرفتار شدگان میں اولین نام انہی کا ہوتا۔ان کی قامت کے کسی رہنماکی گرفتاریاں اور اسیری کے عرصے اتنے تکلیف دہ نہیں رہے جتنے ان کے تھے۔ہندوستان چھوڑ دو تحریک کے دوران مردان کے قریب ایک احتجاجی مظاہرے سے انہیں گرفتار کیا گیا تھا۔ گرفتاری سے قبل انہیں شدید زدو کوب کا نشانہ بنایا گیا ۔ انہیں شدید زخم آئے تھے اور پسلیاں بھی ان کی ٹوٹ گئی تھیں۔(5)وہ انسان جو دنیا کو عدم تشدد کا درس دے رہا تھا خود اسے ہی تشدد کی بد ترین صورتوں کا نشانہ بنایا گیا ۔

جب ان کی پہلی گرفتاری عمل میں آئی تو انہیں ہتھکڑی باندھ کر چارسدہ سے پشاور پیدل  جیل لے جا یا گیا اور جتنے عرصے تک وہ قید رہے تو انہیں بیڑیاں پہنائے رکھی گئی  تھیں جیل والوں کے پاس ان کے ناپ کی بیڑیوں کی کوئی جوڑی نہیں تھی ۔جو جوڑی ان کے لئے چنی گئی تھی اس سے ان کے پیر سخت زخمی ہو گئے تھے۔جب وہ انہیں پہنائی جا رہی تھی تب بھی ان کی ایڑیوں سے اوپر والے حصے سے کافی خون بہا تھا۔انہیں بتایا گیا تھا کہ وہ جلد ہی اس کے عادی ہو جائیں گے۔ (6)جس کوٹھڑی میں انہیں رکھا گیا تھا وہ نہایت بدبو دار تھی۔رفع حاجت کے لئے زمین میں ہی ایک گڑھا کھودا گیا تھا جو کناروں تک غلاظت سے بھرا ہوا تھا۔جب انہیں وہاں لے جایا گیا تو انہوں نے فوراً ہی باہر نکل کر پولیس والے کو بتایا کہ اندر شدید بدبو ہے۔پولیس والے نے انہیں اندر دھکیل کر دروازے کو تالا لگا دیا۔کھانا انہیں سلاخوں کے پار سے دھکیل کر دیا جاتا تھا۔ اس کوٹھڑی کی مسلسل نگرانی کی جاتی تھی تاکہ باہر سے کسی کو باچا خان سے رابطے کا کوئی موقع نہ میسر آ جائے۔(7)

باچا خان کے طرزِ عمل کی ان مثالوں سے ان کے پیروکاروں کو خاکِ وطن کے لئے جانی قربانی سے بھی دریغ نہ کرنے کی تحریک ملی۔تیئس اپریل سن انیس سو تیس کے واقعات خدائی خدمتگاروں کی بے غرض خدمات اور قربانیوں کا ایک روشن ثبوت ہیں۔ینگ انڈیا سے لئے گئے درج ذیل اقتباس سے پتہ چلتا ہے کہ اس سیاہ دن پختونوں سے کس قدر انسانیت سوز سلوک کیا گیا تھا،

"A troop of English soldiers reached the spot and without any warning to the crowd began firing into the crowd in which a number of women and children were present. When those in front fell down, those behind came forward with their breast bared and exposed themselves to the fire. Some people got as many as 21 bullet wounds. [Still] all the people stood their ground without getting into panic…An old woman seeing her relatives and friends being wounded came forward [but] was shot and [she] fell wounded An old man with a four years old child on his shoulder unable to brook this brutal slaughter advanced asking the soldier to fire at him. He was taken at his word and he too fell down wounded. The crowd kept standing at the spot facing the soldiers and was fired at from time to time until there was heaps of wounded and dying lying about. The Anglo-Indian paper of Lahore, which represents the official view itself wrote to the effect that the people came forward one after another to face the firing and when they fell wounded they were dragged back and others came forward to be shot at. This state of things continued from 11 to 5'o clock in the evening. When the number of corpses became too many the Ambulance cars of the Government took them away."(8)

فرنگی سپاہیوں کا ایک جتھہ موقعے پر پہنچا اور بغیر کسی انتباہ کے اس نے اس ہجوم پر گولیاں برسانی شروع کر دیں جس میں عورتیں اور بچے بھی شامل تھے۔ سامنے کی صف والے جب گر گئے تو اس سے اگلی صف والے گریبان کھول کر گولیاں کھانے آگے آ گئے۔کچھ لوگوں کو تو اکیس گولیاں تک لگ گئیں۔اس کے باوجود بھی لوگ اپنی جگہ پر کھڑے رہے تھے اور کوئی افرا تفری نہیں مچی تھی۔ایک معمر خاتون نے جو اپنے رشتہ داروں اور احباب کو زخمی ہو کر گرتے دیکھا تو آگے آئی لیکن اسے بھی گولی مار دی گئی اور وہ بھی زخمی ہو کر گر پڑی۔ایک معمر آدمی جس نے کندھوں پہ ایک چار سالہ بچے کو اٹھایا ہوا تھا اس سے یہ بربریت برداشت نہ ہوئی تو آگے آیا اور سامنے کھڑے سپاہی سے کہنے لگا کہ اسے بھی گولی مار دی جائے۔ اس کی خواہش فی الفور پوری کر دی گئی اور وہ بھی زخمی ہو کر گر پڑا۔موقعے پر موجود لوگ مسلسل آگے آکر گولیاں کھا رہے تھے اور سپاہی بھی ان پر مسلسل گولیا ں برسائے جا رہے تھے حتیٰ کہ وہاں زخمیوں اور لاشوں کا ایک انبار بن گیا ۔ لاہور کے سرکاری ترجمانی کرنے والے اینگلو انڈین پرچے نے بھی یہی لکھا ہے کہ لوگ یکے بعد دیگرے فائرنگ کے سامنے آ رہے تھے اور جب وہ گر جاتے تو انہیں گھسیٹ کر ایک طرف کر دیا جاتا اور ایک نئی قطار آگے آ جاتی۔ یہ صورتحال صبح گیارہ سے شام پانچ بجے تک جاری رہی۔ جب لاشوں کی تعداد بہت بڑھ گئی تو سرکاری ایمبولینسوں میں انہیں اٹھا لیا گیا۔

اٹھارہ برس بعد اور تقسیم کے اگلے ہی برس یہی منظر بابڑہ میں دہرایا گیا۔اسی تنظیم کے وفادار اپنے اسی قائد کی گرفتاری پر احتجاج کر رہے تھے اور ان کے ساتھ پھر وہی سلوک دہرایا گیا۔بابڑہ کے اس مظاہرے میں خواتین بھی قرآن سروں پر اٹھائے یا سینوں سے لگائے شامل تھیں۔(۹)تاہم اس بار ان پر گولی چلانے کا حکم نو آبادیاتی حکمرانوں نے نہیں دیا تھابلکہ آزاد وطن کے نئے حکمران اپنے نو آبادیاتی آقاﺅں کے نقشِ قدم پر چل رہے تھے۔انہوں نے اس المناک واقعے پر پردے ڈالنے کی پوری کوشش کی اور نتیجہ یہ ہے کہ آج سانحہءبابڑہ تاریخ کے اوراق میں کہیں گم ہو چکا ہے۔

باچا خان اور ان کے ساتھیوں نے حریت اور آزادی کے لئے کبھی بھی کسی قربانی سے دریغ نہیں کیا۔تاہم المیہ یہ ہے کہ ان کی تمام بے غرض کاوشوں اور قربانیوں کے صلے میں انہیں مزید اور شدید تر تشدد کا نشانہ بنایا گیا۔بابڑہ کے میدان میں نئے حکمرانوں نے جو سلوک ان کے ساتھ کیا اس سے ثابت ہوتا تھا کہ تقسیم کے بعد کی زندگی خدائی خدمتگاروں کے لئے اور بھی اجیرن ہونے والی ہے۔وجہ اس کی ظاہر تھی۔ تقیم سے قبل کانگرس کے حلیف تھے اور نئی ریاست میں ان کی تمام تر مخلصانہ یقین دہانیوں کے باوجود بھی انہیں ریاست کے وفادار تسلیم نہیں کیا جا سکتا تھا۔

آزادی کے کئی برس بعد Thrown To The Wolvesکے مصنف کو لکھے ایک خط میں باچا خان فرماتے ہیں،

"Considerations of personal harm have never weighted with me. What saddens me is that while we shrank from no sacrifice for the sake of India's independence, the Congress on attaining it forsook us. They gave themselves upto enjoyment while we were left to suffer alone. We are still dubbed 'Hindus'. This was unbecoming of the Congress"(10)

ذاتی نقصان کی پروا میں نے کبھی نہیں کی لیکن جو بات مجھے دلگیر کرتی ہے وہ یہ ہے کہ ہندوستان کی آزادی کے لئے کوئی قربانی دینے سے اگرچہ ہم نے کبھی کوئی دریغ نہیں کیا لیکن جب یہ آزادی حاصل ہوئی تو کانگرس ہمیں بیچ منجدھار چھوڑ گئی۔خود تو وہ (آزادی کے) مزے لیتے رہے اور ہمیں سب تکالیف جھیلنے انہوں نے تنہا چھوڑ دیا۔ہمیں آج بھی ”ہندو“ کہا جاتا ہے۔ یہ کانگرس کے شایانِ شان نہیں تھا۔

اپنے لوگوں کی بدحالی نے باچا خان کو اپنی تلخی کے اظہار پر مجبور کر دیا تھا۔یہ ایک ایسے شخص کے الفاظ تھے جسے خدشہ تھے کہ جن لوگوں نے اس کی آواز پر لبیک کہتے ہوئے اپنی جانیں گنوائی ہیں ان کی قربانیاں تسلیم کرنے سے کہیں ا نکار نہ کر دیا جائے۔

باچا خان کی ایک خصوصیت یہ تھی کہ اپنے دیگر ہم عصر مسلمان قائدین کے بر عکس ایک متمول گھرانے سے تعلق رکھنے اور ایک مومن با عمل ہونے کے باوجود ان کی چال ڈھال اور شخصیت میں خود نمائی یا تعلی کاکوئی عنصر نہیں تھا۔ان کے لئے مذہب عقیدوں کا کوئی پلندہ نہیں تھا کہ جس کو سیاسی مقاصد کے لئے جس طرح چاہے استعمال کر لیا جائے۔انہوں نے مذہب کا مطالعہ کر رکھا تھا اور اپنی زندگی کے لئے اسباق انہوں نے اسلام کے اولین دور سے لئے تھے کہ جب مسلمانانِ مکہ کو شدید تر ین تشدد کا سامنا کرنا پڑتا تھا لیکن جواباً انہوں نے کبھی پُر تشدد ردعمل کی راہ نہیں اپنائی۔ باچا خان اچھی طرح سے جانتے تھے اور اپنے پیروکاروں کو بھی انہوں نے یہی بتایا تھا کہ

"There are two ways to national progress: one is the path of religion and the other is the road to patriotism. If we are on the road to ruin, it is because we have neither the true spirit of religion, nor the true spirit of patriotism, of love for our nation, nor have we developed any social consciousness."(11)

قومی ترقی کے دو راستے ہیں۔ ایک مذہب اور دوسرا وطن پروری کا۔اگر آج ہم تباہی کی راہ پر ہیں تو اس کی وجہ یہ ہے کہ ہم میں نہ تو مذہب کی اصل روح موجود ہے اور نہ ہی وطن پروری یعنی قوم کے لئے محبت کی اور نہ ہی ہم نے خود میں سماجی بیداری کی کوئی سعی کی ہے۔

جہاں غیر کانگرسی مسلمان رہنماءبراہِ راست یا بالواسطہ طور پر مذہبی تفرقات پر زور دے کر تشد د کو بڑھاوا دے رہے تھے وہیں باچا خان کی پر جوش کاوشیں اس امر پر مرکوز تھیں کہ کسی طوران کی قوم اس قابل ہو جائے کہ اپنے اس الٰہی ہتھیار کو دوبارہ ہاتھ میں لے لے جسے وہ ایک عرصے سے فراموش کئے ہوئے ہے۔ یہ ہتھیار صبر کا ہتھیار تھا۔اپنے عوام کے لئے ان کا پیغام تھا

"I am going to give you such a weapon that the police and the army will not be able to stand against it. It is the weapon of the Prophet (Peace be upon him), but you are not aware of it. That weapon is patience and righteousness. No power on earth can stand against it. When you go back to your villages, tell your brethren that there is an army of God and its weapon is patience. Endure all hardships. If you exercise patience, victory will be yours."(12)

میں تم لوگوں کو ایک ایسا ہتھیار دینے جا رہا ہوں جس کے سامنے کوئی پولیس یا فوج کبھی ٹھہر نہیں سکے گی۔یہ رسول اللہﷺ کا ہتھیار ہے لیکن تم لوگ اس سے واقف نہیں ہو۔یہ صبر اور تقویٰ ہے۔دنیا کی کوئی طاقت اس کے سامنے ٹھہر نہیں سکتی۔ تم لوگ جب واپس اپنے دیہات جاﺅ تو اپنے بھائیوں کو یہ ضرور بتانا کہ خدا کی ایک فوج ہے جس کا ہتھیار صبر اور تحمل ہے۔تمام مصائب اور مشکلات برداشت کروکیونکہ اگر تم صبر کرو گے تو فتح یقینا تمہاری ہی ہو گی!

یہ وہ پیغام ہے جو دنیا کے کونے کونے میں پھیلا دینا چاہئے۔احساسِ ذمہ داری کا مادہ رکھنے والے اسے ضرور قبول کریں گے۔

حوالے:

 ۱) ٹیگور کے افسانے کابلی والا میں پختون کردار کا نام رحمت جبکہ کپلنگ کے ناول کم میں پختون کردار کا نام محبوب علی تھا۔

۲) پیارے لال،تھرون ٹو دی وولوز، عبدالغفار خان :ایسٹ لائٹ بک ہاﺅس، کلکتہ ، ،1966 ۔ص27

۳) خان عبدالولی خان، باچا خان اور خدائی خدمتگاری(تقسیم ِ ہند یا تقسیمِ مسلمان): باچا خان سینٹر، پشاور، 2009 ۔ص56

۴)خان عبدالولی خان، ص ص 177-178

۵)فارغ بخاری، تحریکِ آزادی اور باچا خان: فکشن ہاﺅس ، لاہور، 1999۔ص156

۶)خان عبدالغفار خان، زما ژوند اوجدوجہد: کابل دولتی مطبع، کابل، 1981،ص 146

۷)راج موہن گاندھی، عبدالغفار ، دی نان وائلنٹ بادشاہ آف دی پختونز:پینگوئن بکس انڈیا، نئی دہلی، 2004۔ص62

۸) پیارے لال،ص17

۹) تفصیل کے لئے دیکھئے سالار کریم داد ، خدائی خدمتگار سالار کریم داد، ضیاءسنز پرنٹرز، پشاور،2006۔ص ص82-88

۰۱) پیارے لال، ص 76

۱۱) ایس آر بخشی ، عبدالغفار خان، دی فرنٹیئر گاندھی: انمول پبلی کیشنز ، نئی دہلی، 1992۔ ص ص 122-123

۲۱)ایکناتھ، اے مین ٹو میچ ھز ماﺅنٹینز،بادشاہ خان ، دی نان وائلنٹ سولجر آف اسلام، نیلگری پریس، کیلی فورنیا، بار دوم، 1985،ص117